Эхний өдөр – Улаанбаатар – Инчеон – Жинан
Аяллын баг Чингис хаан Олон улсын нисэх буудалд цуглан аяллын бүртгэл хийлгэнэ. Нислэг Улаанбаатараас Сөүл хотын Инчеон ОУ-ын нисэх буудал хүртэл ойролцоогоор 4 цаг цаг үргэлжилнэ. Инчеон ОУ-ын нисэх буудал дээр манай аяллын хөтөч хүлээн авч Жинан хотын зүг хөдөлнө. Жинан хот хүртэл аяллын автобусаар 3 цаг орчим явна. Жинан хотод очоод Хонсам Виллаж-д тухлан байрлана. Хонсам Виллаж нь Солонгосын уламжлалт хэв маяг, өнгө төрхийг агуулсан бөгөөд жуулчидад амралтын тав тухыг мэдрүүлэх орчинг бүрдүүлсэн байдаг.
Жинан хот нь БНСУ-ын Жоллабук мужийн уулархаг бүсэд байрлах бөгөөд Майсан уул, Тапса чулуун цамхаг, Ёнгдам нуур зэрэг үзэсгэлэнт байгалийн болон соёлын аялал жуулчлалын нөөцөөр баялаг, амралт ба эдгэрэл (Wellness) аялалд тохиромжтой бүс нутаг юм.
2 дах өдөр: Жинан хот – Жионжү хот
Багц-2 Арьс залуужуулах эмчилгээ
Арьс залуужуулах эмчилгээг Хюсаранг эмнэлэгт хийлгэх ба Арьс өргөх (Lifting) эмчилгээ нь уусдаг утсыг арьсны давхаргад суулгаж, коллагений нийлэгжилтийг идэвхижүүлснээр арьсыг чангалж, өнгийг сэргээн илүү тод, залуу гялалзсан болгох эмчилгээ юм. Тус эмчилгээг 20 жилийн туршлагатай эмч хамгийн аюулгүй, чанартай хийдгээрээ давуу талтай.
Шинжилгээний дараа хөнгөн зутан шөлөөр цайлах ба үүний дараа чөлөөт цагтай учир аялагчид шоппинг хийх, нэмэлт үзвэр үйлчилгээ авах зэргээр цагийг өнгөрөөх боломжтой. Орой нь Жионжү хотод зочид буудалдаа байрлан тухлан амарна.
3 дах өдөр – Жионжү хот
Аялагчид аяллын автобусандаа суун Angellery gallery cafe -г зорино. Тус кафед очин өглөөний цайгаа уух ба нойрны бясалгал хийн амрах болно. Нойрны бясалгал нь сэтгэл санааг тайвшруулж, биеийг амраан, гүн нойрыг дэмждэг эмчилгээний арга юм. Мэргэжлийн багшийн удирдлага дор 50 минут явагдна. Үүний дараагаар 30 минут орчим яваад Ханок тосгонд очино. Жионжү хотын Ханок тосгон нь Солонгосын уламжлалт байшин барилга өв соёлыг хадгалагдан үлдсэн, соёл, түүхийг мэдрэх боломжтой аялал жуулчлалын алдартай бүс юм. Ханбок өмсөн Солонгосын уламжлалт, ёс заншилтай танилцан цагийг мартагдашгүй өнгөрөөнө. Өдөржин алхсан аялагчдынхаа хөлийг нь амраан Хөлний спа-д орох ба алжаалаа тайлан амарна. Дараагаар нь оройн хоолоо идээд буудалдаа байрлан амарна.
4 дэх өдөр – Жионжү – Кунсан хот – Иксан хот
Өглөөний цайны дараагаар аяллын автобусандаа суун Кунсан хот руу хөдөлнө. Кунсан хот хүртэл 40 орчим минут явна.Kунсан хотын Сэмангым нь далай дээр даланг барьж эхэх газар байгуулсан томоохон газар нутаг бөгөөд байгаль, аялал жуулчлал, хөгжлийн бүс нутаг юм. Тус газар очсоноор Кунсан хотын музей үзэх ба далайн эргээр зугаалан алхах болно. Үүний дараагаар Кунсан хотоос Иксан хот руу хөдөлнө. Иксан хотод очоод аялагчид өдрийн хоолоо идэх ба Иксан хот дахь Вангун Форест амралтын газраар орон Спа-д орон алжаалаа тайлах болно. Мөн Үнэт чулууны музейгээр зочлон үзэх бөгөөд дэлгүүрээр нь орон худалдан авалт хийх боломжтой. Дараа нь Иксан хотоос Жионжү хот руу хөдөлнө. Жионжү хотод очоод оройн хоолоо идэн тухлан амарна.
5 дах өдөр – Жионжү – Сөүл хот
Энэ өдөр аялагчид өглөө эртлэн босож Сөүл хотыг зорино. Өглөөний цайг замдаа хот хооронд иднэ. Жионжү хотоос Сөүл хот хүртэл 2 цаг орчим явна. Сөүл хотын хамгийн алдартай цамхаг болох Сөүл Скай – Лотте тауэр (Seoul Sky, Lotte Tower)-оор зочилно. Лотте тауэр нь 500 метр өндөр, 123 давхар бөгөөд дэлхийд өндрөөрөө 6-д ордог. Энэхүү барилга дээрээс та Сөүл хотыг бүхэлд нь харах боломжтой. Мөн далайн аквариум орох болно. Үүний дараагаар Сөүл хотын Коэкс орно.Тус газар нь Сөүл хотод байрлах томоохон худалдаа, үзэсгэлэн, соёлын цогцолбор төв бөгөөд дэлгүүр, аквариум, номын сан зэрэг олон төрлийн үйлчилгээтэй. Дэлгүүрээр худалдан авалт хийсний дараагаар аялагчид хөтчийн заасан газар товлосон цагтаа цуглан Инчеон ОУ нисэх онгоцны буудал руу хөдөлнө. Инчеон ОУ-ын нисэх онгоцны буудал дээр очин ачаа тээшээ өгөн бүртгэлээ хийлгэн ниснэ.
Бүтэн биеийн шинжилгээ
Нэмэлт шинжилгээ:
1.Ходоодны дуран (унтуулгатай)
2.Хэвлийн 5 эрхтний эхо
3.Тархи CT
4.Түрүү булчирхайн эхо/Эмэгтэйчүүдийн эхо
Mammography(40наснаас дээш)
Түрүү булчирхай (50наснаас дээш)