Аяллын эхний өдөр. Улаанбаатар – Шанхай
Улаанбаатар Чингис хаан нисэх онгоцны буудлаас 13:00 цагт Шанхай хотруу ниснэ. Шанхай хотод 16:45 цагт буух ба нисэх онгоцны буудлаас хөтөч тосож аван оройн хоолондоо орсны дараа буудалдаа байрлан амарна.
•Оройн хоол.
Аяллын 2 дах өдөр. Шанхай
Өглөөний цайны дараа 09:00 цагаас 11:00 цагийн хооронд Хятадын хамгийн өндөр, Дэлхийд 3-рт ордог Шанхай хотын төв цамхгийг үзэх ба тус цамхаг нь дотроо оффис, зочид буудал, худалдаа, аялал жуулчлалын үзвэрүүд зэрэг бүх төрлийн үйлчилгээ нэг дор багтсан цогцолбор юм. Үүний дараагаар Лааны тосоор бүтээсэн алдартнуудын бодит мэт баримлууд байх Мадам Тюссогийн лааны тосон музейг үзэж сонирхоно. Мөн алдарт цэцэрлэгт хүрээлэн болох Yu garden гудамжаар зугаална. Гудамжны хоол болон Зяннан мужийн хоолыг нэг дор хослуулсан Шанхайн уламжлалт зууш, Янжоугийн шарсан будаа, Тайжоу далайн гоймонтой шөл, Цяндао нуурын загасны шөл зэрэг олон төрлийн хоолны сонголтуудтай. 17:30 цагаас оройн хоолоо идээд Хуанпу мөрнөөр завиар аялж, шөнийн Шанхайг үзэж сонирхоно. Оройн буудалдаа тухлан амарна.
•Өглөөний цай
•Өдрийн хоол
•Оройн хоол
Аяллын 3 дах өдөр. Шанхай
Өглөөний цайгаа дараа алдартай улс төрчид болон олон соёлын зүтгэлтнүүд амьдарч байсан Wukang Road-р зочлох бөгөөд түүхийн дурсгалт барилга байгууламж, олон зуун жилийн настай модод бүхий гудамжаар зугаалан, шоппинг хийж, амттай хоолнуудаас зооглон мартагдашгүй нэгэн өдрийг өнгөрөөнө. Өдрийн хоолоо идсэний дараа Шанхай хотын Далайн аквариумыг үзэж сонирхоно. Үүний дараа Хятадын хамгийн анхны худалдааны гудамж гэгдэх Нанжины гудамжаар аялна. Энэхүү газарт бүх төрлийн бараа бүтээгдэхүүнээс сонгон худалдан авалт хийх боломжтой. Орой нь Хуанпу мөрний эрэг дээрх Shanghai Bund хэсгээр зугаалж, өвөрмөц үзэмж бүхий газрыг үзэх болно. Буудалдаа очин амарна.
•Өглөөний цай
•Өдрийн хоол
•Оройн хоол
Аяллын 4 дэх өдөр. Шанхай-Улаанбаатар
Өглөөний цайны дараагаар буудлаа хүлээлгэн өгч аяллын автобусандаа суун Шанхай хотын нисэх онгоцны буудал руу явна. 08:00 цагт Шанхай хотоос нисээд 12:00 цагт Улаанбаатар хотод ирснээр бидний дурсамж дүүрэн аялал өндөрлөнө.
•Өглөөний цай
