Бээжин, Жининь, Датун хотын аяллууд шинэчлэгдлээ​

Бээжин хотын аялал шинэчлэгдэж, улам баялаг боллоо. Ихэнх аяллын хөтөлбөр нь үзвэр үйлчилгээ автобус унаа гээд аялагчдадаа их зүйл үзүүлэхийн тулд шахуу хөтөлбөртэй байдаг ба энэ нь аялагчдаа ядраах, тухгүй байх нөхцөлийг бүрдүүлдэг. Энэхүү аяллын хөтөлбөр нь аялагчдын тав тухыг илүүтэй бодолцож хийсэн. Өөрөөр хэлбэл энэ аялал вагон, автобус гээд газраар аялах учраас хол замд аяллын тухыг бодолцсон давуу талтай. Та Улаанбаатараас Замын-Үүд хүртэл галт тэргээр зорчин, хилийн бүртгэл хийлгэж аяллын эхний хот хүртэл автобусаар зорчих тул эхний буух газраа бид 33 төрлийн рашаан, массаж, бассейн, амралтын төрөл бүрийн үйлчилгээтэй цогцолбор буудалд буулгаж аян замын ядаргаагаа тайлж, маргаашийн аялалдаа гарах эрч хүчээр цэнэглэнэ. Цаашлаад гэр бүл хүүхдүүдээ тоглуулж баясуулах усан парк, Дисней парк, музей гэх мэт үзвэр үйлчилгээнүүдийг багтаасан ба БНХАУ-ийн нийслэл Бээжин хот, Цагаан хэрэм, Универсал студиогоор аялах аялал юм.